Қол қою Тегеранда өтті. Қазақстан тарапынан құжатқа QazExportPromotion корпоративтік қорының бас директоры Аман Малгаждаров қол қойды. Иран тарапынан Хормозган провинциясының порттар және теңіз кеме қатынасы ұйымының басшысы Хоссейн Аббас Нежад өкілдік етті.
Келісім 27 жылға есептелген: екі жыл терминал құрылысына, келесі 25 жыл оны пайдалануға бөлінеді. Нысанды жобаның үшінші жылында коммерциялық пайдалануға енгізу жоспарлануда.
Терминал «Солтүстік — Оңтүстік» дәлізінің транзиттік әлеуетін нығайтуға және қазақстандық тауарлардың Парсы шығанағы, Оңтүстік және Оңтүстік-Шығыс Азия, сондай-ақ Шығыс Африка елдерінің нарықтарына шығуын жеңілдетуге тиіс.
Бұған дейін, 16 маусымда, иран тарапы Қазақстанға Чабахар портында жұмыс істеу мүмкіндіктерін беруге дайын екенін хабарлады.