Аумақтық сайлау комиссиясының деректері бойынша, олардың ішінде 7643 көру қабілеті бұзылған адам, 3865 есту қабілеті бұзылған адам және 3365 тірек-қимыл аппараты бұзылған, арба пайдаланатын адам бар.
Өңірдің барлық 952 сайлау учаскесі қолжетімділіктің интерактивті картасына енгізілген. Олардың әрқайсысында қажетті жабдықтар, дауыс беру үшін арнайы кабиналар және пандустар орнатылған.
Сайлау күні қозғалысы шектеулі азаматтар үшін 65 инватакси және 49 әлеуметтік такси жұмыс істейді. Сондай-ақ тірек-қимыл аппараты бұзылған азаматтар үшін жеке аймақтардың ұйымдастырылуы аяқталды.
Денсаулық жағдайы немесе басқа да дәлелді себептермен учаскеге келе алмайтын сайлаушылар үйде дауыс бере алады. Ол үшін тіркелген жері бойынша учаскелік сайлау комиссиясына алдын ала өтініш беру қажет. Дауыс беру күні комиссия мүшелері портативті урнамен келеді.