Облыстық өнеркәсіп және индустриялық-инновациялық даму басқармасы жұмыс істеп тұрған компаниялар мен пайдалы қазбаларды заңсыз өндіру орындарын тексеруді күшейтті. Өңірде 234 жер қойнауын пайдаланушы тіркелген: 75-і келісімшарттар бойынша, 159-ы — лицензиялар бойынша жұмыс істейді.
Өткен жылғы есептерін тапсырмаған 49 компания бойынша материалдар «Оңтүстікқазнедра» аймақаралық геология департаментіне берілді. Толық емес есептілік ұсынған тағы 125 кәсіпкерге бұзушылықтарды жоюға үш ай мерзім берілді. Талаптар орындалмаған жағдайда лицензиялардың әрекеті тоқтатылады. Анықталған заңсыз өндіру учаскелерінің 22-сінде әкімдіктер жанындағы мобильді топтар күн сайын мониторинг жүргізеді.
Кен орындарында және ауыр техниканың қозғалыс маршруттарында ірі жүк көліктерінің қозғалысын тіркеу үшін бейнебақылау камераларын орнату басталды.
Тексерулер нәтижесінде 115 жүк көлігі және 10 арнайы техника бірлігі айыппұл тұрағына жіберілді. 100 жағдай бойынша барлық материалдар экология департаментіне берілді. Сонымен қатар, жеті ірі жүк көлігінің иелеріне салмақ параметрлерін бұзғаны үшін 19 әкімшілік хаттама жасалды, өндірілген айыппұлдардың сомасы 3,287 млн теңгені құрады.
2025 жылдың қорытындысы бойынша жер қойнауын пайдаланушылар Түркістан облысының бюджетіне 9,1 млрд теңге аударды. Оның ішінде 4,8 млрд теңге — жер қойнауын пайдалану төлемдері, 4,3 млрд теңге жасыл белдеуді дамытуға бағытталды. Тоқтатылған лицензиялары бар және игерілмеген учаскелердің 504 мың 750 гектар жері мемлекеттік меншікке қайтарылды.